كل يوم أصحاب
مرحبا بكـ فى منتداكـ كل يوم اصحاب لو كنت زائر اتفضل سجل ضمن أسرتنا ونورنا يا كميل



Evil or Very Mad :fr7an: Evil or Very Mad :ya wad: Evil or Very Mad


بــــــــــيــــــكــــــ نـــــــبــــــــدأ ونـــــــتـــــــــمـــيـــــز...
 
الرئيسيةالبوابهاليوميةالأحداثالمنشوراتس .و .جالتسجيلبحـثدخول

شاطر | 
 

 رخامه فى رخامه

اذهب الى الأسفل 
كاتب الموضوعرسالة
هشام المصرى


avatar


مُساهمةموضوع: رخامه فى رخامه   20th أغسطس 2007, 8:08 pm

[align=center][frame="10 80"]

بجد رخامه مفيش زيها!!!

رخــــامـــة
!!!!


فيه أسئلة بديهية مالهاش اي لزمة في الدنيا
بنتعرّض ليها كل يوم من كل الناس

خلـونـــا نشــوف أمثلة

++++++++++++++++++++*

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام ))

++++++++++++++++++++*

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟

(( لا لسه ))


++++++++++++++++++++*


والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء دانا لسه راجع ))

++++++++++++++++++++*


أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))

++++++++++++++++++++*


مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون
؟


(( لا.. بتفرّج عليه ))

++++++++++++++++++++*


مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟

(( تقوم رامي الكتاب و تقوله لااااااااء ))


++++++++++++++++++++*


ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟

(( لاء.. هفرطها و أسلقها ))

++++++++++++++++++++*


ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة
: إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))

++++++++++++++++++++*


أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))

++++++++++++++++++++*


,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل
بالمعارف نعيّد عليهم و نقولهم كل سنة و انتو طيبين

(( سبتيله ايه يقوله يارخمة ؟ ))

++++++++++++++++++++*


والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ ))

++++++++++++++++++++*
هشام المصرى
[/frame][/align]
الرجوع الى أعلى الصفحة اذهب الى الأسفل
فراشة


avatar


مُساهمةموضوع: رد: رخامه فى رخامه   23rd أغسطس 2007, 1:00 pm

:lol!: :lol!: :lol!:
:lol!: :lol!:
:lol!:
المواقف ده بتحصل كتيير كتيير..
و بجد مواقف رخمة بس احيانا بضحك
ههههه..
مرسي يا هشام على الموضوع..
الرجوع الى أعلى الصفحة اذهب الى الأسفل
هشام المصرى


avatar


مُساهمةموضوع: رد: رخامه فى رخامه   23rd أغسطس 2007, 1:33 pm

نورتى موضوعى يا فراشه
مع احترامى وتقديرى
هشام المصرى
الرجوع الى أعلى الصفحة اذهب الى الأسفل
وردة مصر


avatar


مُساهمةموضوع: رد: رخامه فى رخامه   15th سبتمبر 2007, 9:16 pm

ههههههههههه
انا ببقى فى قمة الغيظ لما بتحصل بصراحة
ومش قادرة اقولك انا بعمل ايه وببقى شكلى ايه
اصل ده ببقى استظراف او غباااااااااء
تحياتى لك :
دمعة قمر
الرجوع الى أعلى الصفحة اذهب الى الأسفل
bouthinaa


avatar


مُساهمةموضوع: رد: رخامه فى رخامه   20th سبتمبر 2007, 12:48 pm

السلام عليكم


فعلا هذه مواقف تحصل كثير اخي هشام





بثينة
الرجوع الى أعلى الصفحة اذهب الى الأسفل
فارسة السنة



avatar


مُساهمةموضوع: رد: رخامه فى رخامه   21st سبتمبر 2007, 8:25 pm

و الله دمك خفيف جدا يا هشام

بصراحة .. زي العسل
الرجوع الى أعلى الصفحة اذهب الى الأسفل
 
رخامه فى رخامه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كل يوم أصحاب :: كل يوم اصحاب افتكاسات ومنوعات :: كل يوم اصحاب واضحك من قلبك-
انتقل الى: