فكاهات حمصية :

موضوع: فكاهات حمصية : 24th يناير 2008, 3:41 am

أهل مدينة حمص في سوريا هم من اكثر الناس طرافة وظرفاً .. وهم شعب كما يقال بالعامية ( معشراني ) ومضياف ومحب للجميع ..

وقد كثرت عن ظرفهم الأحاديث والنكات ..

ومما إشتهروا به ( على سبيل المزاح ) أن لهم عيد أسبوعي في كل يوم أربعاء ..

وفيه تتفجر معظم طرائفهم حتى أن بعض الأحاديث تصفهم بالخبل في هذا اليوم ( علماً أنهم من أكثر الناس مواظبة على العلم والعمل .. ) ...

وفيما يلي مجموعة من الطرائف والنكات عن الإخوة الحماصنة ( حبايب قلبي .. ) وسامحونا يا إخوان على الدعابة ...

· في حمصيين بمقابلة عالتلفزيون سألت المذيعة الأول : سوريا بالنسبة إلك شو؟
جاوبها سوريا أمي.
سألت التاني سوريا بالنسبة ألك شو؟
قال مابقدر إحكي على أم رفيقي

. حمصي وقع ع الدرج عطوه مرهم قالوله إدهن مكان الاصابة راح دهن الدرج

· حمصي تاجر مخدرات نزل إعلان بالجريدة : عنا طحين من اللي بالي بالك ( عنا : يعني عندنا )

· كان في حمصي و هو ماشي إنشقت شحاطته قام راح خيطها عند الكندرجي بعد أسبوع شافها تحسنت قام فك الخياطة

· حمصي قالوله : في الصين كل دقيقة بينولد واحد .. قال : يلعن أبو التطور هنه كل يوم و أحنا كل 9 أشهر ( هنه : يعني هم )

· ألقت الشرطة السعودية على مجموعة من الحماصنة في الرياض عندما اكتشفتهم يصلون الجمعة يوم الاربعاء

· حمصي ضيع حماره رجع لبيته زعلان قالتلو مرته : لا تزعل دخلتك علي تساوي عشرين حمار

· كان في حمصي وجد ليرة مطعوجة راح ع الحداد و صلّحها بعشر ليرات...

· قال في حماصنة عم يعملوا مظاهرة ضد أمريكا. قام لبسوا واحد صورة بوش وحرقوه

· قال في حماصنة عم يلعبوا ( الغميضة) مع بعضهم ... قام ضاعوااااا

· في واحد حمصي هديتو حبيبتو ببغاء .. و شافيتو حبيبتو بعد يومين و قالتلوا حبيبي كيف الببغاء .. قال : مثلو مثل الفروج

· ليش الحمصي الصغير أذكى من الحمصي الكبير؟؟؟؟؟؟ لأنه ماصرلووو زمان حمصي

· في واحد حمصي سالوه : شو رايك بالزواج المبكر ؟ قالن : يعني اي ساعة ؟؟؟

· واحد حمصي لغى الموعد مع الدكتور لانه كان مرضان

· في واحد حمصي تصور بجانب حمار وبعت الصورة لاهلو وقال لهم : انا يلي علي اليمين

· واحد مستشرق راح على حمص رجع مستغرب.. ( يعني مندهش )

· على شاطىء البحر سأل الأول : شو مبين الأخ منسجم ؟ فأجابه الثاني لا يا أخي أنا من حمص!

· في واحد حمصي راح يخطب وحده قالوله اهلها : والله البنت عم تدرس . فاجاب الحمصي : طيب برجع بعد ساعة .

· كان في حماصنة عم بيلعبو علي الأتوستراد حطو قانون للعبة : يلي يندعس مرتين بيخسر

· كان في ولد حمصي ساله الاستاذ مين من الحيوانات يصحينا على صلاة الفجر فقال الولد : بابا

· كان في ثلاثة حماصنة عايزين يسرقو بنك فقسموا السرقة بينهم : واحد يسرق , وواحد يراقب , و واحد يروح يبلغ الشرطة

· كيف تجعل الحمصي يقرأ رسالة إلى الأبد؟؟؟ أكتب على الوجهين "إقلب الورقة"

· شو آخر اختراعات الحماصنة...؟؟ بيل يعمل على الطاقة الشمسية...هاهاها

· في حمصي ماشي بالشارع لاقى فاتورة فراح دفعها

· في واحد حمصي اول مره بحياتوا بياكل علكه قام حلف يمين ما ينام الليل الا لما يخلصها.

· قال في حمصي صغير سأل امه: ماما بس يكبرو رفقاتي مع مين بدي العب

· قال 100 حمصي عم يدهنوا باص , واحد ماسك الفرشاية و 99 عم بيحركوا الباص

· وقف الحمصي امام المراية قام قال مدري وين شايف هالوش قام بعد شوي تذكر انوا شايفو عند الحلاق

· قال الحمصي كيف بيبحث عن الأرنب؟؟؟ الجواب : بيقلد صوت الجزرة !!!

· ليش الحمصي بيحط الصوبيا برة؟ - لأانو برة أبرد من جوا ( الصوبيا : يعني المدفأة )

· حمصي عندو سبع ولاد سمى حالو سفن أب

· كان في واحد حمصي بجنينة الحيوانات يلاعب الدب و مد راسو جوا القفص , قام صاروا يصرخوا العالم عليه .. قاللهم : شوبكون خايفين شو لح آكلو

موضوع: رد: فكاهات حمصية : 24th يناير 2008, 3:42 am

وهي شوية نكت عن الحماصنة وصلتني على الميل

(مع إحترامي لكل الحماصنة )

قال في واحد حمصي شاف موزة بالأرض أم قال الله يعيني على هالوقعة

آل الحماصنة قرروا أنو يعملو تعديل عل الهوليكوبتر
آم شالوا المروحة و حطوا بدالها كوندشين

في سبع حماصنة عملوا فرقة سموها الشجعان الثلاثة

مرة كان في جورة بحمص لا يوجد لها حل فقام مجلس مدينة حمص باجتماع طارق وقرر مجلس حمص بان يوطي حمص على مستوى الجورة

ليش الحمصي يشرب نصف كأس من الشاي
مشان ما يفسلها كلها

في حمصي سأل واحد بالشارع وين الرصيف التاني ألو مقابيلك فألو الحمصي سألت هنيك قالولي هون

واحد شامي ,وجعه قلبة على الحماصنة من كتر مابيضحكو عليهم قام طلع على حمص حتى يضحكوا عليه ولو مرة بالعمر فوقف أمام عامود كهرباء شاعل وراح يدق على العامود بأيدو مر أمامه واحد حمصي وقالوليش عم تدق هون قالو الشامي عم دق ومافي حدا عم يرد أتطلع الحمصي الى العامود وألو غريب مع أنو الضو شاعل ليش ماعم يردو

في طيارة هوليكوبتر وقعت فوق مقبرة في حمص فاستخرج الحماصنة 700 جثة و لا زال البحث مستمراً

هل تعرف من اين يستخرج الحماصنة السمسم ؟
من البرازق.....هاهاهاهاهاها

في سمكة حمصية غرقت

اثنين حماصنه في لندن ركبوا الباص ،واحد صعد للطابق العلوي،والثاني بقي تحت،
وبعد فتره ناداه من تحت : إنزل لقد وصلنا، فأجابه من الأعلى :
نحنا حتى الآن لم يأتي السائق.

مرة إخترع الأمريكان روبوت ذكي جدا بحيث لا يصعب عليه سؤال فمرة دخل حمصي وسأل الروبوت سؤال وعندما خرج لقوا الروبوت منفجر قاموا لحقوا الحمصي وسألوه:شو سألته؟؟قلن أبو بريص قبل ما يجي ابنه بريص شو كان اسمه؟؟

ذهب أحدهم إلى مطعم صاحبه حمصي و طلب إليه أن يجهز له سندويشة فلافل بدون مخلل,فأجاب البائع معتذراوسائلا:و الله لا يوجد عندي مخلل ,أعملها لك بدون بندورة؟

: ليش الحمصي خسر في تجارة الموز؟
لأن كل قرن موز أعوج كان يرميه

في حمصي سأل الدكتور :
ألو: يادكتور كٌُُُل ما عم بشرب شاي عيني عم توجعني
الو الدكتور: ابل ما تشرب الشاي شيل معلقة السكر منها.

لما طلع مرض جنون البقر شافواأرنب طالع عم يركض من حمص فوقفوا سألوا ليش هربان
فقال الأرنب ليش مادريتو بمرض جنون البقر
فقالوا: ليش انت شودخلك
قال الأرنب قولو هلشي للحماصنةما عم يصدقو

حمصيين ماشين بلندن شافوا باص طابقين آل الأول للثاني (يا لطيف على هالحادث باصين فوق بعض)

واحد ماشي بحمص شاف العالم كلها هربانه .استغرب فسأل واحد كان هربان:ليش عمتهربوا شو في؟قله ما في شي فسأله لكان ليش هربان؟قاله بلكي صار شي ....
هههههههههههه

الحماصنة اخترعوا صاروخ ليضربوا أهل حماة.
اتفقوا يجتمعوا بالملعب ويضربوا الصاروخ من الملعب
ضربوا الصاروخ آم انفجر فيهم آم في واحد حمصي كان متأخر وشاف الإنفجار بالملعب آم قال:
(إذا عنا بحمص هيك صار لكن شو صار بأهل حماة)

واحد حمصيإشترى موبايل وعندما كان عند الحلاق رنتله مرتو فقال لها مستغربا:كيف عرفتي إني عند الحلاق

قال حمصي لصديقه:بتشرب قهوة.
قال صديقه:اذا شربت قهوة ما بقدر نام.
قال الأول:أنا بعكسك تمام بس نام ما فيني اشرب قهوة.
هههههههههههه

في ولد حمصي يروح كل يوم لعند الخضرجي يسأله عندك بطاطا
يقول الخضرجي: نعم عندي
بيقول له الولد: اعطيني بندورة
وكل يوم على هالحالي حتى عصب الخضرجي وشكاه لأبوه
قام أبوه للولد قال للخضرجي : يا أخي ما عندك عصاي؟
قال الخضرجي: نعم عندي
ٌقال أبوه للولد: اضربو كفين

حمصي راح لعند الدكتور آم وصفلو الدكتور دواء وقلو
خدو كل 8 ساعات
آم أخدو كل 6 ساعات ليش
من شان يفاجىء الجراثيم

حمصي راح لعند البياع ألو عندك فاصولية خضرا
ألو البياع : لا والله خالصة من عندي.
ألو : شوباقي عندك ألوان

كيف طور الحماصنة الكمبيوتر؟؟؟؟؟؟؟؟؟
وضعوا مكان الأزرار سحاب

في 2 حماصنة عم يلعبوا شطرنج كيف مات الملك ؟
اجتو جلطة

في اثنين حماصنة واحد منهم ماسك مرايه فقال للثاني
مدري وين شايف هالوش
قام التاني أخد المراية وطلع فيها وقال لك هدا أنا ما عرفتني

هههههههههههه

موضوع: رد: فكاهات حمصية : 24th يناير 2008, 3:45 am

وصلتني على الاميل قصه تقول

واود ان اقص لكم طرفة اقسم لكم انها حقيقية
في الصيف الماضي اجتاحت بغداد موجة من العواصف الرملية وملاء الغبار كل مكان واستمر الحال لثلاث او اربع ايام وهذه الحاله تحدث تقريباً مرة واحدة كل سنة
الذي حدث ان احد اصدقائي المقربين كان بحاجة إلى حداد للعمل في بيته الجديد
فوصف له حداد في منطقة الكريعات وهي احدى المناطق المعروفة باغلبيتها الشيعية والشاهد ان الشيعة لايرون بان الامريكان محتلين وليس هناك مقاومة ضد الامريكان انما هو الارهاب ليس الا
فذهب صاحبي الى محل الحداد فلم يجده وقيل له تجده في المقهى القريب فذهب واذا هناك ضجة كبيرة وصياح ونقاش حاد تعالت فيه الاصوات والكل يشتم المقاومة على هذا الفعل الرهيب...!
وبعد سؤاله عن الفعل اتضح انه (( المقاومة يشيلون تراب بالطيارات ويذيو فوك راسنه))...
فسكت صاحبي ولم يستطع الكلام من وقع الصدمة وكيف يصدق هؤلاء هذا الكلام
وبعد ان ركب الحداد مع صاحبي في السيارة قال ((والله صدق ليش بوقت صدام كان ماكو تراب بالجو))
في الحقيقة اضحكتني هذه الطرفة كثيراً لكن سرعان ما ضاق صدري بها لمتعكسه من جهل لدى هذه الفئة من المجتمع العراقي.
ارجو التعليق.....

موضوع: رد: فكاهات حمصية : 28th يناير 2008, 2:54 pm

ههههههههههههههههههههههههههههههههههههههههه

شكرا هشام على هذا الموضوع

وفعلا في العراق فئة تصدق باي شيء وكل الناس عارفينهم هم على خطاء

تسلم

بثينة