موضوع: افتخر انى مصرى؟؟؟؟؟ 31st يوليو 2007, 7:47 pm
مالك .. فيه ايه .. قولى يا مصرى زعلان ليه؟ قولى الاول حاسس ايه؟ حُرقة ف دمك؟ غصه ف حلقك ؟ مكبوت لكن مقفول حنكك؟ طب و اي يعنى؟ م انتا جدودك كانوا ساكتين أما جدودهم ، كانوا ساكتين عايز تعرف ليه ساكتين .عايز تشكى؟ مهو لما انتا تقول عايز اشكى .. اسأل نفسك .. تشكى لمين؟ تشكى لمين دول ناس نايمين أو عاملين مش سامعين وكمان بقى هوا انتا لوحدك؟ مهو فيه غيرك كدة ملايين لسّه يامصرى عايز تشكى؟ عارف ؟ أحسن تقعد تبكى أو كل فاكهة ، الفاكهة مفيدة بس نصيحة بلاش المانجه مِ المبيدات بتجيب سرطان وبلاش الكمترى كمان والبطيخ والشمام والتفاح والرمان أحسنلك اوع تاكل فاكهة وكمان اوعاك تاكل لحمه ولا فراخ ولا خضار مالك تانى؟ زعلان تانى؟ ياخى م كفاية بتاكل عيش ليه تتبطّر؟ حلو العيش بس نصيحة ، عشان الطوب وانتا بتاكله كل بشويش زعلان تانى ؟ بلاش العيش مانتا كفاية بتاكل بعضك يبقى يامصرى تزعل ليه اوعاك تزعل اوعاك تشكى ولو حتفرقع ممكن تبكى
el3omda { مـديـر الـمـنـتـدى }
موضوع: رد: افتخر انى مصرى؟؟؟؟؟ 31st يوليو 2007, 8:18 pm
بجد والله تسسسلم ايدك فعلا هوا ده الا احنا في
هونا اقدر ازعل اني مصري طبعا لا بس ايه اوعه تقول لحد ده من ورا قلبي
هههههههههههههههه
هيا دايما كده بتدي للغريب وتغرب القريب
بالتميز يا جميل كلمات علي الوتر فعلا
محروم من الحب
موضوع: رد: افتخر انى مصرى؟؟؟؟؟ 31st يوليو 2007, 8:46 pm
والله يا استاذ / العمدة انت وضعت وسام من الدرجة الاولى على موضوعى بمرورك المتميز اشكرك من كل قلبى .
نور { مـديـرة الـمـنـتـدى }
موضوع: رد: افتخر انى مصرى؟؟؟؟؟ 1st أغسطس 2007, 1:04 pm
هههههههههههههههههههههههههههههههههههه
حرام عليك بهدلت المصرى
المصرى عربى اصيل
لو مال الزمن هو مايميل
واغلى حبيب وخفيف الدم ماله مثيل
وصديق وافى وله الف دليل
صابر وحامى وقالوا فيه موويل
هو ده المصرى ابن النيل
تحياتى للمصرى
:farao: :farao: :farao:
محروم من الحب
موضوع: رد: افتخر انى مصرى؟؟؟؟؟ 1st أغسطس 2007, 7:15 pm
والله يا نور المصرى فعلاً فى كل المميزات الجميلة و بلدنا مـــــــــــصـــــــــــــر ام الدنيا اجمل بالعالم كله مليانة خير لكن العيب مش فيها ولا فى المواطن المصرى لكن العيب فى ...........................................؟؟؟؟؟