قوانين ايامنا الحلوه وكلام الحب والرومانسيه

2) لازم كل عضو يلتزم بأنه يشارك بالمواضيع اللي تخص القسم بس ..قسم كلام في الحب
وما يحطش في القسم مواضيع مش بتاعته...

يعني ما يحطش مواضيع شعرية او خواطر في القسم بتاعنا..
وهي اساسا تنتمي للكلام في الادب ..

ولا يحطش مواضيع تخص نصائح للزوجات ..دي مكانها بيت العيله..وهكذا كذا



3) يا ريت لو كلنا قبل ما نعمل مواضيع جديدة نتأكد انها مش مكررة في القسم
قبل كده .....او يكون فيه موضوع متسمي بنفس الاسم (عشان اللخبطة)

ويقدر يتأكد من كده عن طريق انه يختار جملة او كلمة نادرة موجودة في الموضوع
اللي هايحطه..وبعدين يعملها كوبي(نسخ يا أصحاب) ويجي عند جزء الدعبسة
في القسم ( بحث في القسم ده )ودي موجودة اسفل يمين كل قسم
في كل يوم ..ويحطها بيست (لصق بردوياأصحاب) ويقول دعبس ...
وهاتظهرلك بعد كده نتائج البحث

كده هاتتأكد اذا كان الموضوع موجود بالقسم قبل كده ولا مشاركتك بيه هاتكون
الاولي ...وياريت لو تعمل نفس الشئ مع عنوان الموضوع



4) يا ريت الردود يا جماعة تبقي ردود تخص الموضوع المطروح اكتر من
انها تكون حاجة تانية

يعني ياريت ما تقلبش حوارات جانبية بين الاعضاء او اي حاجة مالهاش
علاقة بالموضوع الرئيسي ...ما يضرش طبعا لما ردّنا يبقي فيه شئ من خفة الدم
و الهزار العادي المقبول ويكون في اطار الموضوع ....



5) يا ريت يا ريت يا ريت...نروّق المواضيع بالالوان والاشكال الجميلة اللي
تخلّي كل يوم اصحاب الرومانسية يتشدو ليه اكتر ويردو عليه



6) ممنوع منعا باتا حتما ولا بدا وضع اي ايميلات في المواضيع او الردود ...
او في التواقيع ..
او وضع لينك لاي موقع اخر ..فيها ضرب دي من الادارة خدو بالكو





هي دي القوانين ...
اللي هايلتزم بيها الادارة ها تحبوا اووي جدا خالص
واللي مش هايلتزم ...هايلاقيني فوق دماغه كل شوية برساله خاضة (مش خاصة)وهاعمل منه عصير مخلفات الرومانسيين

موفقون