فيه أسئلة بديهية مالهاش اي لزمة في الدنيا بنتعرّض ليها كل يوم من كل الناس
خلـونـــا نشــوف أمثلة
++++++++++++++++++++*
إنت في أوضتك .. على السرير وطافي النور ومتغطي ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟
(( أظن ده مش وضع الرقص !!! واضح ان انا هنام ))
++++++++++++++++++++*
انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟
(( لا لسه ))
++++++++++++++++++++*
والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه
(( !!! لاء دانا لسه راجع ))
++++++++++++++++++++*
أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟ يقولك : انت رايح الشغل يابيه ؟
(( لا.. العربية واحشاني ))
++++++++++++++++++++*
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟
(( لا.. بتفرّج عليه ))
++++++++++++++++++++*
مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟
(( تقوم رامي الكتاب و تقوله لااااااااء ))
++++++++++++++++++++*
ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟
(( لاء.. هفرطها و أسلقها ))
++++++++++++++++++++*
ولاّ تعالــو شوفو قنواتنا واسئلتهم البديهية البايخة برنامج اهداءات يتصل واحد يطلب أغنيه ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟
,,,المذيعة الظريفـة : وياترى بقى هتعملوا ايه العيد ده هتقضوه ازاي ؟ أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين
(( سبتيله ايه يقوله يارخمة ؟ ))
++++++++++++++++++++*
والأسخف بقى ... الشلل الكبير.. لما المذيعين يكلّموا الاطفال يقول المذيع للطفل : إنت بتحب ماما وبابا ؟
(( يعني أساسي الواد لسه ما طلعلوش عرق الندالة علشان يقول لأ ))
موضوع: رد: رخامه فى رخامه 23rd أغسطس 2007, 1:00 pm
:lol!: :lol!: :lol!:
:lol!: :lol!:
:lol!:
المواقف ده بتحصل كتيير كتيير..
و بجد مواقف رخمة بس احيانا بضحك
ههههه..
مرسي يا هشام على الموضوع..
هشام المصرى
موضوع: رد: رخامه فى رخامه 23rd أغسطس 2007, 1:33 pm
نورتى موضوعى يا فراشه مع احترامى وتقديرى هشام المصرى
وردة مصر
موضوع: رد: رخامه فى رخامه 15th سبتمبر 2007, 9:16 pm
ههههههههههه انا ببقى فى قمة الغيظ لما بتحصل بصراحة ومش قادرة اقولك انا بعمل ايه وببقى شكلى ايه اصل ده ببقى استظراف او غباااااااااء تحياتى لك : دمعة قمر
bouthinaa
موضوع: رد: رخامه فى رخامه 20th سبتمبر 2007, 12:48 pm
السلام عليكم
فعلا هذه مواقف تحصل كثير اخي هشام
بثينة
فارسة السنة
موضوع: رد: رخامه فى رخامه 21st سبتمبر 2007, 8:25 pm
موضوع: رخامه فى رخامه 
